வானம் வெளுத்துவிட்டது; வெள்ளி முளைத்து விட்டது !
கீழ்வானம் வெள்ளென்று எருமை சிறுவீடு
.........மேய்வான்
பரந்தனகாண் மிக்குள்ள பிள்ளைகளும்
போவான்
போகின்றாரைப் போகாமல்
காத்துஉன்னைக்
.........கூவுவான்
வந்துநின்றோம் கோது குலமுடைய
பாவாய் எழுந்திராய் ! பாடிப் பறைகொண்டு
.........மாவாய்ப் பிளந்தானை மல்லரை மாட்டிய
தேவாதி தேவனைச் சென்றுநாம் சேவித்தால்
.........ஆவாஎன்று
ஆராய்ந்து அருளேல்ஓர் எம்பாவாய் !
-----------------------------------------------------------------------------------------
பொருள்:-
--------------
கிழக்கு வானம் வெளுத்துவிட்டது; வெள்ளி முளைத்துவிட்டது; எருமைக் கூட்டங்கள் புல்மேயப் புறப்பட்டுவிட்டன; இளம் பெண்கள் எல்லாம் கண்ணனைச் சேவிக்கப் புறப்பட்டார்கள். எங்கள் தலைவியாகிய நீ இல்லாமல் போவதா ? நாங்கள் தான் அவர்களை நிறுத்தி வைத்திருக்கிறோம். அதனால்தான் உன்னைக் கூவி அழைக்கிறோம் !
அடி பாவாய் ! எழுந்திராய் ! குதிரை வடிவம்
கொண்ட கேசி என்ற அசுரனின் வாயைப் பிளந்தவன் கண்ணன். கம்சனுடைய வீர்ர்களை வென்றவன்.
அவன் தேவாதி தேவன். அவனைச் சென்று நாம் சேவித்தால், தேடி
வந்துவிட்டோமே என்று ஆராய்ந்து அருளுவான்.
வா ! எழுந்து வா !
-----------------------------------------------------------------------------------------
------------------------
கீழ் வானம் வெள்ளென்று = கீழ் வானம் வெளுத்துவிட்டது; சிறுவீடு = மாட்டுத் தொழுவம்; மேய்வான் பரந்தன காண் = மேய்ச்சலுக்குப் புறப்பட்டுவிட்டன; மிக்குள்ள பிள்ளைகள் = ஆயர்குல இளம்பெண்கள்; போவான் = சேவிக்கப் புறப்பட்டார்கள்; போகின்றாரை = அப்படிச் செல்கின்றவர்களை; போகாமற் காத்து = போகவிடாமல் தடுத்து நிறுத்தி; உன்னைக் கூவுவான் வந்து நின்றோம் = உன்னையும் அழைத்துப் போக வந்துள்ளோம்; கோது குலம் = நற்குலத்தில் பிறந்த; பாவாய் = பெண்ணே !;
எழுந்திராய் = எழுந்துவா ! பாடிப் பறை
கொண்டு = கண்ணனைப் போற்றிப் பாடி அவன் அருளைப் பெற வந்துள்ளோம். மா வாய்ப்
பிளந்தானை = குதிரை வடிவ அசுரனின் வாயைப் பிளந்து கொன்றவனை; மல்லரை மாட்டிய = கம்சனுடைய வீரர்களை
வென்றவனை; நாம் சேவித்தால் = நாம் வணங்கினால்; ஆ வா என்று ஆராய்ந்து = அவனைத் தேடி
வந்துவிட்டோமே என்று எண்ணி ஆராய்ந்து; அருளேலோர் =
அருள் புரிவான்; எம்பாவாய் = எம் தலைவியாகிய பெண்ணே !
----------------------------------------------------------------------------------------
ஆக்கம் + இடுகை:
வை.வேதரெத்தினம்,
(vedarethinam70@gmail.com)
ஆட்சியர்,
“தமிழ்ப் பாவை” வலைப்பூ,
[திருவள்ளுவராண்டு:
2053, விடை (வைகாசி) 11]
{25-05-2022}
----------------------------------------------------------------------------------------
கருத்துகள் இல்லை:
கருத்துரையிடுக